QOS-ТІ БАСҚАРУДАҒЫ БӘСЕКЕЛЕСТІК МЕХАНИЗМДЕРІ МЕН САУАЛНАМА ҚОЛДАУЫН ТАЛДАУ ҮШІН ИМИТАЦИЯЛЫҚ МОДЕЛЬДЕУ

Аңдатпа

IEEE 802.11 стандартына негізделген сымсыз жергілікті желілердің қарқынды дамуы және мультимедиялық трафик көлемінің артуы қызмет көрсету сапасын (Quality of Service, QoS) қамтамасыз ету мәселесінің өзектілігін арттырып отыр. Қазіргі WLAN желілері абоненттік құрылғылардың жоғары тығыздығы мен әртекті трафик жағдайында жұмыс істейді, бұл деректерді беру ортасына қол жеткізуді басқаруды едәуір күрделендіреді. Осыған байланысты MAC-деңгейіндегі ортаға қол жеткізу механизмдерін зерттеу маңызды ғылыми және практикалық міндет болып табылады. Зерттеудің мақсаты — IEEE 802.11 сымсыз желілерінде QoS қолдау тұрғысынан бәсекелестік қол жеткізу механизмі (DCF) мен сауалнамаға негізделген басқарылатын қол жеткізу механизмі (PCF) тиімділігін талдау және салыстыру. Аталған мақсатқа жету үшін ортаға қол жеткізу механизмдерін талдау, OPNET ортасында WLAN модельдеу сценарийлерін әзірлеу, әртүрлі трафик түрлері мен станциялар санының кідіріс, өткізу қабілеті және қайта жіберу санына әсерін зерттеу, сондай-ақ механизмдерді біріктіріп қолданудың тиімділігін бағалау міндеттері қойылды. Модельдеу нәтижелері DCF механизмінің мультимедиялық емес трафик үшін және станциялар саны аз болған жағдайда тиімді екенін көрсетті. Ал PCF механизмі мультимедиялық трафикті беру кезінде және желі тығыздығы жоғары жағдайларда кідірісті азайтып, қайта жіберулер санын едәуір төмендететіні анықталды. Станциялар санының артуы тек бәсекелестік механизмді қолданған кезде QoS көрсеткіштерінің нашарлауына әкелетіні дәлелденді. Қорытындылай келе, бәсекелестік және сауалнама механизмдерін біріктіріп қолдану IEEE 802.11 WLAN желілерінде қызмет көрсету сапасын арттыруға мүмкіндік беретіні анықталды. Зерттеу нәтижелері мультимедиялық сервистерді қолдайтын сымсыз желілерді жобалау мен оңтайландыруда пайдаланылуы мүмкін.